คอยฮักโพนผักบั่ว

หน้าหนาว คึดฮอดเพลงนี่
…คึดฮอดโพนผักบั่ว
คึดฮอดพี่น้องบ่อนบ้าน…
เพลงแรกในชีวิตที่แต่งและฮ้องเอง
เพลง  คอยฮักโพนผักบั่ว
คำร้อง/ทำนอง  ซอมทาง โพนผักแนว
ขับร้อง บ่าวทิ  ยางชุมน้อย 
(Original Vorsion : 2548-2549
สิทธิชัย พลแก้ว  เรียบเรียง)
A1 ที่โนนหัวนา… 
อ้ายเหม่อมองหาแต่ลงผักบั่วโพนหัวปี
ยืนกั้งโกบส่อง คองทางคอยท่าคนดี
จนกู้หอมแล้วกะมิดจี่หลี่ บ่มีสาวโค้งต่าวคืน
A2 บ่าวเมืองหอมแดง… 
คึดค้อยคึดแคงเช้าแลงสู้ทนกล้ำกลืน
อ้ายน้องฝากฮักข้างโพนผักรักเราหวานชื่น
ตัวไกลใจบ่เป็นอื่น สัญญาขวัญยืนหรือเจ้าบ่จำ
H ลืมแล้วบ๊อ  ลืมโพนหอมแล้วบ่
เจอคนรูปหล่อ ลืมอ้ายแล้วบ๊อก้อนคำ
ลืมลวกดอกหอมเคยกินฮ่วมภาชน์โนนนาหวานฉ่ำ
ตอนอ้ายสบตาคุยนำ แก้มอ่ำถ่ำลืมแล้วล่ะไป
A3 หนาวลมวอยวอย…
สาวยางชุมน้อยได้ยินเพลงอ้ายอย่าไล
ให้โค้งต่าวมาโนนหัวนา มากินข้าวใหม่
สิเก็บเงินขายผักบั่วได้ เจ้ามาวันใดสิไปขอแต่ง.
(ซ้ำ H, A3)

เผยแพร่โดย

SaimingSainan

คำเขียนคน คนขายคำ

ใส่ความเห็น